Təqvim
Özbəkistanda “Azərbaycanın Qarabağ diyarı rəssamların gözü ilə” rəsm müsabiqəsi elan olundu.
07 may 2020 - 12:10

Cari ilin fevral ayında Özbəkistandakı Heydər Əliyev adına Azərbaycan Mədəniyyət Mərkəzinin təşkilatçılığı ilə “Qarabağ - Azərbaycan mədəniyyətinin beşiyi” adlı mədəniyyət layihəsinə start verilib.

Sözügedən layihə çərçivəsində Özbəkistandakı Heydər Əliyev adına Azərbaycan Mədəniyyət Mərkəzi “Azərbaycanın Qarabağ diyarı rəssamların gözü ilə” adlı rəsm müsabiqəsini elan edib.

Müsabiqə Azərbaycan Respublikasının İsmayıllı regional Mədəniyyət İdarəsi və Xətai Sənət Mərkəzi ilə birlikdə keçirilir.

“Azərbaycanın Qarabağ diyarı rəssamların gözü ilə” adlı rəsm müsabiqəsinin əsas məqsədi Özbəkistan və Azərbaycanın rəssamlıq istedadına malik olan yeniyetmə və gənc rəssamların evdə qaldıqları müddətdə səmərəli vaxt keçirərək gözəl sənət əsərləri yaratmalarına sövq etmək, onların fəaliyyətini stimullaşdırmaq, Azərbaycan, türk mədəniyyətini təbliğ etmək, dostluq və qardaşlıq bağlarının daha da dərinləşdirməkdir.

Müsabiqədə ən çox duyğu və düşüncələrlə işlənmiş, ideya və mənaya malik, habelə Qarabağda Azərbaycan xalqının yaratdığı zəngin mədəniyyət, ədəbiyyat, bölgənin özəlliyi və tarixinin daha geniş əks etdirilən rəsm əsərlərinə üstünlük veriləcəkdir. Seçim zamanı kənar (müəllim, valideyn) müdaxiləsiz işlərə xüsusi önəm veriləcəkdir.

Rəsm müsabiqəsində Özbəkistan və Azərbaycanın yeniyetmə və gənc rəssamları (14 yaşdan yuxarı) iştirak edə bilərlər.

Təqdim olunan rəsm əsərlərinə xüsusi Münsiflər heyəti qiymət verəcəkdir ki, buraya Azərbaycan və Özbəkistanın tanınmış rəssamları daxil edilib.

Müsabiqəyə 2020-ci il aprel ayının 24-dən start veriləcək, müsabiqə əsasən 14-30 yaş kateqoriyası üzrə keçiriləcəkdir.

Cari il 15 iyun tarixində yekun vurulacaq müsabiqəyə rəsmlərin fotoları, habelə əsəri çəkən rəssamın şəxsiyyətini təsdiq edən sənəd – pasportunun surəti və özü haqqında məlumat (əlaqə nömrələri, email) Daşkənd şəhərində fəaliyyət göstərən Azərbaycan Mədəniyyət Mərkəzinin elektron poçtuna göndərilməlidir (culcenter.az@gmail.com).

Rəsm əsərlərinin orginalı isə Özbəkistan tərəfdən Özbəkistandakı Heydər Əliyev adına Azərbaycan Mədəniyyət Mərkəzinə (Daşkənd şəhəri Mirabad rayonu, Heydər Əliyev küçəsi 9, +998 71 293 50 92, 293) ünvanına, Azərbaycan tərəfdən isə Bakı şəhərindəki Xətai Sənət Mərkəzinə (Bakı şəhəri, Xocalı küçəsi 62, AZ1025, (+994) 12 490 84 51/52/53) göndərilməsi zəruridir.

Hər iki ölkədən 5 ən yaxşı iş seçiləcək və qaliblərə Özbəkistandakı Heydər Əliyev adına Azərbaycan Mədəniyyət Mərkəzinin, Azərbaycan Respublikasının İsmayıllı regional Mədəniyyət İdarəsinin pul mükafatları, habelə Fəxri diplomları təqdim olunacaqdır.

Müsabiqə üçün göndərilən bütün rəsm əsərlərinin Azərbaycan və Özbəkistanda sərgi salonlarında təqdimatı keçiriləcək, habelə sözügedən əsərlər Özbəkistandakı Heydər Əliyev adına Azərbaycan Mədəniyyət Mərkəzinin layihəsi ilə bu ölkədə müxtəlif ali məktəblərdə, mədəniyyət müəssisələrində yaradılmış Azərbaycan ocaqlarına daimi olaraq hədiyyə ediləcəkdir.

Bundan başqa müsabiqəyə təqdim olunmuş rəsm əsərləri və onlar haqqında məlumat, fotoşəkil Özbəkistandakı Heydər Əliyev adına Azərbaycan Mədəniyyət Mərkəzinin saytında və Vikipediya Elektron ensiklopediyasında yaradılacaq səhifədə yerləşdiriləcəkdir.

Müsabiqənin digər şərtləri haqqında əlavə məlumat Azərbaycan Mədəniyyət Mərkəzinin saytında (http://azculture.uz/musabiqeler.php?link=musabiqeler) veriləcəkdir. 

Sosial şəbəkələrdə paylaş:
Kateqoriya:
İQTİSADİYYAT, MUSİQİ, QHT
Gülağa Tənha: LALƏNİN QARA XALI18:26, 24 iyun 2022
Ruslar Ukraynanın daha bir şəhərini tamamilə zəbt etdilər 18:23, 24 iyun 2022
Azərbaycan, Ermənistan və Rusiyanın baş prokurorları arasında görüş keçirildi 18:20, 24 iyun 2022
Bayden Azərbaycanla bağlı qərar imzaladı 13:59, 24 iyun 2022
Ermənilər Göyçə gölünü qurudur 13:15, 24 iyun 2022
PKK-nın rəhbər şəxslərindən biri məhv edildi 13:00, 24 iyun 2022
Rəsul Rzanın ev-muzeyi yaradılacaq 15:37, 23 iyun 2022
İlham Əliyev Qırğızıstanla Anlaşma memorandumlarını TƏSDİQLƏDİ 15:34, 23 iyun 2022
91 yaşlı milyarder model arvadından BOŞANIR 15:32, 23 iyun 2022
Gülağa Tənha: XALQIN VƏKİLİ – SƏN12:24, 23 iyun 2022
SEPAH-ın kəşfiyyat xidmətinin rəhbərinə sui-qəsd oldu12:17, 23 iyun 2022
İlham Əliyev Rumıniya nümayəndə heyətini qəbul etdi 12:16, 23 iyun 2022
İlham Əliyevin Özbəkistana səfəri başa çatdı 17:46, 22 iyun 2022
Braziliya gözəli vəfat etdi 17:42, 22 iyun 2022
Şair, aktyor və tənqidşünaslar məclisi: Gülağa Tənha-Nizaməddin Şəmsizadə-İlham Əskərov-Vaqif Yusifli15:12, 22 iyun 2022
Rusiyada hərbi hissədə güclü partlayış baş verdi 15:09, 22 iyun 2022
Rusiyanın S-300 müdafiə sistemləri Belarusa aparıldı 14:54, 22 iyun 2022
Füzulidə şirkət rəsmisini ilan sancdı 14:51, 22 iyun 2022
Bülənt Ərsoyun məzarına lift də quraşdırılacaq 17:55, 21 iyun 2022
FİFA Rusiyaya qadağını uzatdı 17:51, 21 iyun 2022
 

Bütün hüquqlar qorunur © 2022

Haqqıımızda | Saytda reklam | Bizimlə əlaqə