Təqvim
Masallılı istedadlı sənətçi Şamo İbayevin virtual konserti maraqla izlənilib
05 may 2020 - 22:43

Respublikada xüsusi karantin rejiminin davam etdiyi müddət ərzində Masallı Regional Mədəniyyət İdarəsi və tabe müəssisələrdə çalışan müxtəlif sahələrdən olan sənət adamları canlı konsert proqramları, teatr tamaşaları və bu qəbildən olan digər maraqlı tədbirlərlə çıxış edir, insanların mədəni istirahətinə bədii-musiqili töhfələrini verirlər.

Bəhs olunan mədəni tədbirlər sırasına heç şübhəsiz, Masallı Rayon Onbirillik İncəsənət Məktəbinin müəllimi, eləcə də Masallı Rayon Mədəniyyət Mərkəzinin solisti, xüsusi ifaçılıq istedadı ilə seçilən Şamo İbayevin canlı konsertini də əlavə etmək olar.

Belə ki, may ayının 2-də gənc sənətçi Ş. İbayev canlı virtual konsert proqramı ilə çıxış edib. Rayon Onbirillik İncəsənət Məktəbinin konsert zalında keçirilən musiqi tədbirində sənətçi bir-birindən zövqlü musiqi nömrələrini özünəməxsus ifa texnikası və tərzi ilə virtual musiqi həvəskarlarına təqdim edib. Canlı konsert ərzində ifaçını sözügedən təhsil müəssisəsinin müəllimlərindən ibarət peşəkar musiqiçi ansanblı müşayiət edib. Musiqisevərlər tərəfindən maraqla izlənilən konsert proqramında görkəmli sənət adamlarının repertuarına müraciət edilib.

Məlumat üçün əlavə edək ki, Ş. İbayev rayonun Ərkivan qəsəbəsində ziyalı ailəsində anadan olub. Əvvəlcə Bülbül adına Orta İxtisas Musiqi Məktəbinə daxil olub. Daha sonra musiqi təhsilini Azərbaycan Milli Konservatoriyasının muğam sinifində davam etdirib. Ş. İbayev adıçəkilən təhsil ocaqlarında görkəmli Azərbaycan sənətkarları, musiqi sənətimizin inkişafında xüsusi rola malik olan Xalq artistləri İslam Rzayev, Ağaxan Abdullayev, Əməkdar artist Nuriyyə Hüseynova və digər tanınmş sənət xadimlərindən muğam dərsləri alıb.

Ş. İbayev sənətçi kimi səhnə fəaliyyətinə hələ gənc yaşlarında rayon mədəniyyət mərkəzinin solisti kimi başlayıb. Bir çox sevilən mahnıların müəllifi olan sənətçi yerli televiziya kanallarında yayımlanan musiqili şou proqramlarda rəhbərlik etdiyi instrumental musiqi ansanblı ilə iştirak edib. Bununla yanaşı, o, bir sıra televiziya musiqi müsabiqələrinin layihə rəhbəri və münsiflər heyətinin üzvü olub, yerli teleseriallar üçün musiqilər ifa edib.

Rusiya, Türkiyə, İran və digər ölkələrdə keçirilən müxtəlif musiqili-mədəni tədbirlərdə iştirak edən Ş. İbayev, sənətlə bərabər, son illər Masallı Rayon Onbirillik İncəsənət Məktəbində müəllim kimi də fəaliyyət göstərir

Xatırladaq ki, konsert proqramı sosial şəbəkələr vasitəsilə canlı yayımlanıb.

ƏLİHÜSEYN ŞÜKÜROV. 

Sosial şəbəkələrdə paylaş:
Kateqoriya:
DİNİ QURUMLAR
Azərbaycanda vətəndaşlar sağlam və təhlükəsiz formada yaşayır və yaşayacaqlar 13:28, 27 mart 2024
Qəhrəman tank komandiri 21:18, 24 mart 2024
Masallıda şəhid Sahil Babayevin xatirəsi anılıb 20:12, 21 mart 2024
“Ana, mənə az ağla” 11:49, 21 mart 2024
Masallının ümumtəhsil müəssisələrində Novruz tədbirləri 17:31, 19 mart 2024
“Heydər Əliyevin 100 illiyi” yubiley medalları təqdim edilib - Masallıda 18:48, 18 mart 2024
Sərrast atıcı, xilaskar döyüşçü 15:27, 18 mart 2024
İMKANSIZ AİLƏLƏRƏ BAYRAM SOVQATI PAYLANILDI - GÜLAĞA TƏNHANIN TƏŞƏBBÜSÜLƏ11:48, 18 mart 2024
Masallılı güləşçilər beynəlxalq turnirin mükafatçısıdır 19:53, 17 mart 2024
2024-cü ilin Gənclər Paytaxtı Lənkəranda Novruz festivalı 17:49, 17 mart 2024
“Aqrar biznes festivalı” – Masallıda 18:12, 14 mart 2024
Novruz düşüncəsi: Səməni 13:40, 14 mart 2024
Düşmən çəpəri, yurd sipəri 17:07, 13 mart 2024
Masallı məktəblərində “İdman həftəsi” keçirilib 19:59, 12 mart 2024
Cəsur komandir: ”Qorxu ölüm deməkdir” 19:12, 11 mart 2024
Dünya çempionu, XTQ zabiti 18:29, 10 mart 2024
EŞQ İLƏ DOLU KÖNÜLLƏR QOCALMAZ 16:24, 09 mart 2024
Masallı güləşçiləri Bakıdan 11 medalla geri dönüb 19:07, 04 mart 2024
Təzə Alvadıda qaz xəttinin çəkilişi işlərinə baxış keçirilib - Masallıda 18:20, 29 fevral 2024
Əzizabad kəndində daha 17 ev təbii qazla təmin edilib - Masallıda 18:12, 29 fevral 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə