Təqvim
21 aprel – Ümumdünya Yaradıcılıq və İnnovasiya Günüdür
21 aprel 2020 - 13:54

21 aprel tarixində qeyd olunan Ümumdünya Yaradıcılıq və İnnovasiya Günü insan fəaliyyətinin müxtəlif sferalarında yaradıcılığın və innovasiyaların rolu nəzərə alınaraq Birləşmiş Millətlər Təşkilatının Baş Assambleyası tərəfindən təsis edilib.

Bu gün hazırda innovasiyaların geniş tətbiq olunduğu ölkəmiz üçün əlamətdar hesab edilir.

Azərbaycan Respublikasının Prezidenti cənab İlham Əliyevin təşəbbüsü ilə ölkədə innovasiya infrastrukturu formalaşdırılır. Yüksək texnologiyalar və sənaye parkları yaradılıb, bu parkların rezidentləri üçün güzəştlər tətbiq edilib. İnnovasiya subyektlərinin maliyyə çıxışlarını təmin etmək üçün fondlar fəaliyyət göstərir və innovativ layihələrə qrantlar, güzəştli kreditlər verilir, innovativ sahibkarlıq sürətlə inkişaf edir.

Azərbaycan Respublikasının Prezidenti cənab İlham Əliyevin 6 noyabr 2018-ci il tarixli müvafiq Fərmanı ilə Nəqliyyat, Rabitə və Yüksək Texnologiyalar Nazirliyinin tabeliyində İnnovasiyalar Agentliyinin yaradılması ölkə başçısının bu sahəyə göstərdiyi diqqətin bariz nümunəsidir. Agentlik yerli sahibkarlıq subyektlərinə müasir texnologiyaların və texnoloji həllərin əldə olunmasında yardım göstərən və onların transferini təşkil edən, innovasiya yönümlü elmi tədqiqatları dəstəkləyən, innovativ layihələri, startapları təşviq edən, onları qrant, güzəştli kredit və nizamnamə kapitalına sərmayə, o cümlədən vençur maliyyələşməsi vasitəsilə maliyyələşdirən, innovasiya təşəbbüskarlığını təbliğ edən publik hüquqi şəxsdir.

Eyni zamanda, ölkə başçısının Azərbaycan Respublikasında innovativ inkişaf sahəsində koordinasiyanın təmin edilməsi haqqında 10 yanvar 2019-cu il Sərəncamı ilə qarşıya mühüm vəzifələr qoyulub. Azərbaycan Respublikasının innovasiya strategiyasının hazırlanması, koordinasiya subyektlərinin idarəetmə orqanlarında innovasiyalar üzrə mütəxəssis olması, koordinasiya subyektlərinin illik mənfəətinin müəyyən hissəsinin innovasiyaların tətbiqi və elmi tədqiqatların maliyyələşdirilməsinə yönəldilməsi, işçilərin innovasiya təşəbbüskarlığının və rəqəmli texnologiyalardan istifadə bacarıqlarının təşviq edilməsi kimi mühüm tapşırıqlar verilib.



İnnovasiya təşəbbüskarlığının təbliği, gənclərin bu prosesə aktiv qoşulması üçün Nəqliyyat, Rabitə və Yüksək Texnologiyalar Nazirliyi tərəfindən “I2B – İdeyadan Biznesə” layihəsi, “InnoWeek – İnnovasiya həftəsi”, “InnoFest – İnnovasiya festivalı” və müxtəlif yarışlar keçirilir. Bu tədbirlərə ildən-ilə maraq artır. 2019-cu ildə “I2B – İdeyadan Biznesə” layihəsinə 12 regiondan 2000-dən çox iştirakçı – gənclər və tələbələr qatılıb, 153 komanda finala çıxmaq uğrunda mübarizə aparıb.

İnnovasiya yönümlü tədbirlər sırasında “Bakutel” sərgisini də qeyd etmək olar. “Bakutel 2019” 25-ci Yubiley Sərgisində 23 ölkədən 240-a yaxın şirkət iştirak edib. ABŞ, Fransa, İtaliya, BƏƏ, İran, İsrail, Türkiyə, Rusiya, Belarus, Sloveniya, Xorvatiya və digər ölkələrin ticarət palataları və səfirliklərinin dəstəyi ilə aparıcı İT şirkətlərindən ibarət milli qruplar sərgiyə qatılıb. 

2019-cu ildə xüsusi maraqla qarşılanan sərgiyə qatılan 25 minə yaxın ziyarətçinin 6 min nəfəri uşaq olub.

“Innofest – İnnovasiya festivalı” Azərbaycan Respublikasında startap hərəkatının formalaşdırılması, gənclərin biznes ideyalarının həyata keçirilməsinə dəstək verilməsi, innovasiyaların və texnologiyaların təşviqinin genişləndirilməsi, yeni innovativ ideyaların reallaşdırılması, eyni zamanda regionlarda biznes inkubasiya mərkəzlərinin yaradılması ənənələrinin formalaşdırılması məqsədilə təşkil edilir.
Azərbaycanda ilk dəfə olaraq 29 may – 4 iyun 2019-cu il tarixlərində keçirilmiş “İnnoFest” çərçivəsində təşkil edilmiş Beynəlxalq “Lightest” Forumuna, “ICT innovation and startup ecosystems” seminarına, “EU4 Digital proqramı”nın təqdimatına, “Monex Summit”ə, Gənclər İnternet İdarəçilik Forumuna, “Made in Azerbaijan: İnnovasiyalar və Texnologiyalar” Forumuna və III Robot Olimpiadasına ümumilikdə 1500 nəfərdən artıq iştirakçı qatılıb, onlardan 158 nəfərini xarici qonaq təşkil edib. “İnnoFest Village”də iştirak edən 1800-dən artıq ziyarətçidən 300-dən çoxu əcnəbi olub.

Ölkəmizdə 2018-ci ildən keçirilən Beynəlxalq “InnoWeek – İnnovasiya həftəsi” çərçivəsində yüksək texnologiyalar, innovasiyalar sahəsində ən son yeniliklərin əks olunduğu konfrans, forum və sərgilər təşkil olunur.


2019-cu ildə keçirilmiş II Beynəlxalq “InnoWeek” çərçivəsində “İ2B – İdeyadan Biznesə” layihəsinin respublika finalı, “Roboday” sərgisi, 2-ci “Bakı Elektron Ticarət Forumu” (BEF – 2019), “İnnovasiya ekosisteminə siyasi baxış” (Innovation Policy Outlook) mövzusunda “dəyirmi masa”, “Euroasia İnnovation Day”, “Kaspersky Security Day”, “İnnovation Awards Gala” mükafatlandırma mərasimi baş tutub.

“İnnovasiya həftəsi”nə 2800-dən artıq iştirakçı qatılıb, onlardan 220 nəfərdən çoxunu əcnəbilər təşkil edib.

Həyata keçirilən tədbirlər nəticəsində ölkəmizdə innovasiya ekosistemi inkişaf edir. Təsadüfi deyil ki, Dünya İqtisadi Forumunun “Qlobal Rəqabətlilik Hesabatı – 2019”-da Azərbaycan “İnnovasiya yönümlü kompaniyaların artımı” göstəricisinə görə 141 ölkə arasında 21-ci yeri tutub. İnnovasiya yönümlü kompaniyaların sayının artması ölkə iqtisadiyyatının innovativ inkişafında əhəmiyyətli rol oynayır.

Sosial şəbəkələrdə paylaş:
Kateqoriya:
SİYASƏT, TURİZM
Gülağa Tənha Keçmişi unutmaq olmaz!12:35, 19 yanvar 2021
Gülağa Tənha "Cavab beş" müsahibəsi13:21, 18 yanvar 2021
“ASAN xidmət”dən Qələbəni bizə yaşadanlar üçün xüsusi xidmət 22:25, 17 yanvar 2021
BDU-nun jurnalistika fakültəsinin tələbəsi Əsgər İsmayılov yazır: Xatirimizdə "Yaddaş muzeyi" olaraq yaşayacaq şəkil... 22:11, 17 yanvar 2021
Hərbi əməliyyatlar zamanı xəsarət almış hərbi qulluqçuların tibbi-sosial ekspertizasının operativ, keyfiyyətlə və mərkəzləşmiş şəkildə aparılması üçün komissiya yaradıldı 21:53, 17 yanvar 2021
Vaksinasiyadan imtina edənləri hansı cəza gözləyir? - TƏBİB-dən AÇIQLAMA 19:55, 17 yanvar 2021
Azərbaycanda xüsusi karantin rejimi BU TARİXƏDƏK uzadıldı 19:51, 17 yanvar 2021
Məktəblərlə bağlı VACİB AÇIQLAMA 19:30, 17 yanvar 2021
Karantin rejimilə bağlı NƏ DƏYİŞDİ? - İZAH 19:24, 17 yanvar 2021
Azərbaycan təsəvvür edə bilməyəcəyimiz bir mövqeyə sahib oldu - Deputat 18:31, 17 yanvar 2021
Deputat Azay Guliyev: Prezident İlham Əliyevin islam və xristian dünyasına Şuşadan verdiyi mesaj barədə yazıb 18:13, 17 yanvar 2021
Gülağa Tənha Qərar qəbul etmə prinsipi və...14:30, 17 yanvar 2021
Səhiyyə Nazirliyi: Vaksin təhlükəsizdir 20:12, 16 yanvar 2021
Gürcüstanda iki nəfəri girov götürən keçmiş polis əməkdaşı saxlanılıb 20:07, 16 yanvar 2021
Azərbaycanda yanvarın 18-dən vaksinasiya başlayır - İlk olaraq ONLARA vaksin vurulacaq 19:44, 16 yanvar 2021
Şuşada vaksinlərin saxlanma məntəqələri qurulur 19:37, 16 yanvar 2021
Bu sahələrin fəaliyyəti bərpa olunur - SİYAHI 19:00, 16 yanvar 2021
Yaqut Qarayeva: Hazırda bu şəxslərin vaksinasiyasına ehtiyac yoxdur - Müsahibə 18:49, 16 yanvar 2021
Hərəkətsizlik və həzm prosesinin düzgün getməməsi uşaqlarda piylənməyə səbəb olur 16:02, 16 yanvar 2021
Ölümlə mistik əlaqə: Saatlardakı ürkütücü müəmma... 13:51, 16 yanvar 2021
 

Bütün hüquqlar qorunur © 2021

Haqqıımızda | Saytda reklam | Bizimlə əlaqə