Canveten.az xəbər verir ki, “Rəqsin sehri” adlıBeynəlxalq Festivalda dünyanın 20 ölkəsindən, habelə Özbəkistanın regionlarından çoxsaylı rəqs ansamblları iştirak edib. Ölkəmizi bu festivalda Əməkdar Mədəniyyət işçisi Elçin Abbasovun rəhbərliyi ilə Fikrət Əmirov adına Azərbaycan Dövlət Mahnı və Rəqs Ansamblı təmsil edib. Festivalın təntənəli açılış mərasimi Xivədəki qədim “İçan Kala” Qoruq-muzeyinin “Ata darvaza” giriş qapısının qarşısındakı keçirilib. İştirakçıları Özbəkistan Mədəniyyət nazirinin müavini Azadbek Nazarbekov və Xarəzm vilayətinin hakimi Farxod Ermanov salamlayaraq, Festivalın əhəmiyyəti, rəqs sənətinin xüsusiyyətləri, ilk dəfə olaraq Özbəkistanda keçirilən nüfuzlu tədbirdə dünyanın bir sıra dövlətlərinin yaxından iştirak etdiklərini qeyd ediblər. Özbəkistandakı Heydər Əliyev adına Azərbaycan Mədəniyyət Mərkəzinin direktor müavini Polad Zeynalov tədbirdə iştirak etmiş və bədii proqramda çıxış etmişdir. Ölkəmizdə mədəniyyət və incəsənətə dövlət qayığsından danışan P.Zeynalov bu sahədə Heydər Əliyev Fondunun fəaliyyətini xüsusi qeyd edib. Festival çərçivəsində elmi-praktik konfrans, teatrlaşdırılmış şoular, xalq tətbiqi sənət nümunələrinin yarmarkası, Xarəzm yeməklərinin təqdimatı, bu sahələrdə usta dərslərinin keçilməssi və digər tədbirlər keçirilib. Azərbaycan rəqqasları festivalda üç milli rəqsimizi ifa ediblər. Sonuncu gün keçirilən Qala-Konsertdə münsiflər heyətinin qərarı ilə Fikrət Əmirov adına Azərbaycan Dövlət Mahnı və Rəqs Ansamblı festivalın ali mükafatı-Qran-Priyə layiq görülüb.
Bütün hüquqlar qorunur © 2024