Təqvim
“Realmadrid” Azərbaycan Məktəbinin növbəti uğuru (+FOTOLAR)
06 iyul 2019 - 13:33

“Realmadrid Fondu”nun Azərbaycan Futbol Məktəbinin yığma komandası 24-28 iyun tarixlərində beynəlxalq turnirdə iştirak edib.  

Əfsanəvi macar futbolçu Ferents Puşkaşın xatirəsinə həsr olunan ənənəvi “COPA – Alma 2019” kuboku uğrunda yarışlarda Azərbaycanla yanaşı, 7 ölkənin -  Rusiya, Rumıniya, Bolqarıstan, İspaniya, Portuqaliya, Ukrayna və Macarıstan təmsilçiləri mübarizə aparıb.

“Realmadrid Fondu”nun böyük diqqət ayırdığı “COPA – Alma 2019” yenə də yüksək təşkilatçılıq və gərgin yarış proqramı ilə yadda qalıb. Təsadüfi deyil, iyun ayının 24-də keçirilən təntənəli açılış mərasimində fondun beynəlxalq zona üzrə baş meneceri  Rosa Roncal Himenez və Avropa bölgəsi üzrə menecer Elena Fernandez kimi yüksək vəzifəli şəxslər iştirak ediblər.Reqlamentə və “Realmadrid Fondu”nun tələblərinə əsasən hər bir komandanın heyətinə oğlanlarla yanaşı, qızlar da daxil edilib.  Azərbaycan Sosial Futbol Məktəbinin komandasının tərkibində 2004-2007-ci il təvəllüdlü 7 oğlan və 3 qız yer alıb.      

Portuqaliya iki komanda ilə mübarizəyə qoşulduğuna görə, tədbirdə ümumilikdə 9 məktəbin yetirmələri qüvvəsini sınayıb. “Ferents Puşkaş Akademiyası”nın stadionunda və təlim-məşq meydançalarında keçirilən turnir iki mərhələdən ibarət olub. İyunun 25-də fərqli ölkələri təmsil edən uşaqlar arasında dostluğun möhkəmləndirilməsinə xidmət edən  “İnteqrasiya Turniri” start götürüb. “Hörmət”, “Motivasiya” və “Bərabərlik” adlanan 3 liqada bütün iştirakçılar qarışıq komandalarda fərqli məqsədli futbol nümayiş etdiriblər.

Ertəsi gün isə yarışların əsas mərhələsi – “İdman oyunları” başlayıb. Burada püşk nəticəsində 3 qrup formalaşdırılıb. Azərbaycan yığması Rusiya, Bolqarıstan və Portuqaliya komandaları ilə görüşüb. Komandamız Rusiya ilə görüşdə qapısından 4 cavabsız top buraxıb. Bolqarıstana isə 6-1 hesabı ilə məğlub olub. Nəhayət, futbolçularımız sonuncu matçda Potuqaliya ilə qolsuz heç-heçə edərək ilk xalını qazanıb. Əsasnaməyə görə, qrupda tutulan yerlərə uyğun olaraq növbəti mərhələdə məktəbimizin təmsilçiləri digər  qrupların sonuncuları ilə qarşılaşmalı olub. Portuqaliya (ikinci təmsilçi) (1-0) və Rumıniya (11-0) komandası ilə oyunlarda qələbə qazanan həmyerlilərimiz ikinci qrupda qalib olub. Yekunda ümumi xallara görə  4-cü olan “Realmadrid Fondu”nun Azərbaycan Futbol Məktəbi “Self-Esteem” nominasiyasına görə də xüsusi mükafatla – kubokla mükafatlandırılıb.

Qeyd edək ki, xallar oyunların nəticəsinə (qələbə 3 xal, heç-heçə 2 xal, məglubiyyət 1 xal), RESPECT göstəricilərinə görə və hər bir komandanın özünün və rəqibinin verdiyi qiymətlərə görə müəyyən edilib.

İstedadların yarışı

“COPA – Alma 2019”da uğurlarımız bununla yekunlaşmayıb. Turnirdən sonra uşaqların idmandankənar bəddi yaradıcılıq imkanlarını üzə çıxarmaq məqsədi daşıyan “GOT Talent Show” layihəsi üzrə yarışlar  keçirilib. Səhnələşdirilmiş şoudan ibarət olan və hər iştirakçı komandaya ən azı 3 dəqiqə çıxış imkanı verən əyləncəli tədbirdə öz bacarıqlarını nümayiş etdirən komandamızın üzvləri ümumi hesabda 2-ci yerə layiq görülüb. Milli geyimdə səhnəyə çıxan futbolçularımız ifa etdikləri rəqslərlə tamaşaçıların rəğbətini qazanıblar. Birinci yer isə Ukrayna komandasının olub.

Xatırladıq ki, Gənclər və İdman Nazirliyinin və “Realmadrid Fondu”nun birgə layihəsi olan Azərbaycan Sosial Futbol Məktəbi 2013-cü ildən fəaliyyət göstərir. 6 il əvvəl imzalanmış əməkdaşlıq müqaviləsinə uyğun olaraq, yaradılan məktəb “Realmadrid Fondu”nun MDB məkanında birinci, Avropada səkkizinci layihəsi olub. 2013-2017-ci il tədris müddətini əhatə edən ilk mərhələdə görülən işlərin uğurlu olması ilə əlaqədar tərəflər əməkdaşlığı davam etdirmək qərarına gəliblər. Layihənin əsas tərəfdaşları Gənclər və İdman Nazirliyi ilə “Realmadrid Fondu”dur. 2018-ci ilin yanvar ayında yeni əməkdaşlıq müqaviləsi imzalanıb və məktəbin fəaliyyət müddəti daha 5 il uzadılıb. 

Sosial şəbəkələrdə paylaş:
Kateqoriya:
BI+
Xaçmazda 8 yaşayış məntəqəsinin yolunun yenidən qurulması yekunlaşır (+FOTOLAR) 17:49, 18 noyabr 2019
Əməliyyat təliminin son mərhələsi keçirilib (+FOTOLAR, +VIDEO) 16:01, 18 noyabr 2019
Botanika İnstitutunun əməkdaşları Şəkidə fenoloji tədqiqatlar aparıblar (+FOTOLAR) 11:19, 18 noyabr 2019
Əməliyyat təlimində qoşunlar yerdəyişmə tapşırıqlarını icra edib (+FOTOLAR,+VIDEO) 02:04, 16 noyabr 2019
Əməliyyat təlimi çərçivəsində Naxçıvan Qarnizonu qoşunlarının fəaliyyətləri davam edir (+FOTOLAR, +VIDEO) 01:43, 16 noyabr 2019
Əməliyyat təlimi çərçivəsində HHQ qarşıya qoyulan tapşırıqları icra edir (+FOTOLAR,+VIDEO) 01:21, 16 noyabr 2019
Bakıda Beynəlxalq Paralimpiya Komitəsinin 30 illiyi münasibətilə “Yenilməzlər” adlı beynəlxalq qala tədbir keçirilib (+FOTOLAR) 00:47, 16 noyabr 2019
İlham Əliyevin adından Dünya dini liderlərinin II Bakı Sammitinin iştirakçılarının şərəfinə ziyafət verilib (+FOTOLAR) 19:24, 15 noyabr 2019
İlham Əliyev Dünya dini liderlərinin II Sammitinin açılış mərasimində iştirak edib (+FOTOLAR) 17:55, 15 noyabr 2019
Zərdab–Qaravəlli avtomobil yolu yenidən qurulub (+FOTOLAR) 12:08, 15 noyabr 2019
Nərimanov rayonunda “Açıq hökumətin təşviqi sahəsində tədbirlərin keçirilməsi” adlı layihə çərçivəsində növbəti tədbir keçirilib (+FOTOLAR) 11:59, 15 noyabr 2019
Azərbaycan "Özbəkistan bizim ümumi evimizdir" Festivalında təmsil olunub (+FOTOLAR) 11:50, 15 noyabr 2019
Ağstafa-Yenigün-Xətai-Qaçaq Kərəm-Poylu-Xılxına avtomobil yolu yenidən qurulub (+FOTOLAR) 11:41, 15 noyabr 2019
Əməkdar Artist İlham Nəzərovun “Qu quşunun nəğməsi” albomu Fransada ilin ən yaxşı təfsirçisi kateqoriyasında qalib seçildi (+FOTO) 01:32, 15 noyabr 2019
“Sərhədsiz muzey” (+FOTOLAR) 01:16, 15 noyabr 2019
Özbəkistanda Azərbaycan-Özbəkistan dostluğuna aid “Dostluq riştələri” adlı sənədli film nümayiş etdirilib (+FOTOLAR) 01:18, 13 noyabr 2019
BDU-da 9 noyabr - Dövlət Bayrağı Günü qeyd olunub (+FOTOLAR) 18:54, 12 noyabr 2019
Bakı Musiqi Akademiyasında BMA-nın professoru, Xalq artisti, Şöhrət ordenli Yalçın Adıgözəlovun 60 illik yubileyi təntənəli şəkildə qeyd olundu (+FOTOLAR) 18:47, 12 noyabr 2019
Azərbaycan Ordusu miqyasında əməliyyat təlimi başladı (+FOTOLAR, +VIDEO) 18:09, 12 noyabr 2019
Mehriban Əliyevadan Bayraq Günü paylaşımı (+VİDEO) 17:34, 12 noyabr 2019
 

Bütün hüquqlar qorunur © 2019

Haqqıımızda | Saytda reklam | Bizimlə əlaqə