Təqvim
AMEA ilə Rusiya Elmlər Akademiyası arasında elmi-texniki əməkdaşlıq haqqında saziş imzalanıb (+FOTOLAR)
22 may 2019 - 21:06

Canveten.az xəbər verir ki, Rusiya Elmlər Akademiyasının (REA) prezidenti, akademik Aleksandr Sergeyevin başçılıq etdiyi nümayəndə heyəti ölkəmizdə rəsmi səfərdədir.

Bu gün qonaqlar Fəxri Xiyabanda Ümumilli lider Heydər Əliyevin xatirəsini ehtiramla yad edib, məzarı önünə əklil və gül dəstələri qoyublar. Görkəmli oftalmoloq-alim, akademik Zərifə xanım Əliyevanın da xatirəsi yad edilib, məzarı önünə gül dəstələri qoyulub.

Sonra Azərbaycan Milli Elmlər Akademiyasının Rəyasət Heyətində AMEA-nın prezidenti, akademik Akif Əlizadə və Rəyasət Heyətinin üzvləri nümayəndə heyəti ilə görüşüb. Qonaqları salamlayan akademik Akif Əlizadə AMEA ilə REA arasında səmərəli əməkdaşlıq əlaqələrindən danışıb. Təxminən 50 il öncə SSRİ Elmlər Akademiyasının prezidenti, akademik M.V.Keldışın Azərbaycana səfəri zamanı onu şəxsən müşayiət etdiyini qeyd edən AMEA rəhbəri 1945-ci il martın 27-də Azərbaycan SSR Elmlər Akademiyasının təsis edilməsinin ölkə elminin inkişafında böyük rolunun olduğunu vurğulayıb. 2018-ci ildə isə Prezident İlham Əliyevin müvafiq Sərəncamı ilə 27 mart tarixinin respublikamızda “Elm günü” kimi qeyd olunduğunu əlavə edib.

Görüş çərçivəsində iki qurum arasında imzalanacaq elmi-texniki əməkdaşlıq haqqında sazişin əhəmiyyətindən danışan akademik Akif Əlizadə bildirib ki, müasir elmin çağırışlarını və hazırda bir çox elmi istiqamətlərin multidissiplinar xarakter daşıdığını nəzərə alaraq,elmin, yeni texnologiyaların və innovasiya fəaliyyətinin inkişafı sahəsində əməkdaşlığın daha da genişləndirilməsi və hər iki qurum arasında müxtəlif sahələr üzrə elmi əlaqələrin gücləndirilməsi məqsədini daşıyan əməkdaşlıq haqqında sazişin imzalanmasına zəruriyyət yarandığını qeyd edib.

Səmimi qəbula görə AMEA rəhbərliyinə minnətdarlığını bildirən akademik Aleksanrd Sergeyev bu gün Prezident İlham Əliyevlə görüşdüyünü, həmin görüşün böyük əhəmiyyət daşıdığını vurğulayıb. Azərbaycana səfərinin əsas məqsədinin ikitərəfli elmi əlaqələrin möhkəmləndirilməsi və daha da genişləndirilməsindən ibarət olduğunu qeyd edib.

İmzalanacaq sazişin əhəmiyyətindən danışan akademik Aleksandr Sergeyev gələcək perspektivərdən söz açıb. Bildirib ki, Xəzərin mineral ehtiyatları, biomüxtəlifliyi, ekoloji problemləri, Xəzər dənizin iqlim və demoqrafik şəraitə təsiri, neft kimyası, nanotexnologiyalar, kosmik tədqiqatlar, tibb və farmakologiya, tarix, arxeologiya kimi elmi sahələrin prioritet istiqamət olduğunu vurğulayıb.

Daha sonra AMEA-nın vitse-prezidenti, akademik İbrahim Quliyev gələcək tədqiqatlara dair bir sıra təkliflər irəli sürüb. Qeyd edib ki, Xəzər dənizinin biosenozunun öyrənilməsi, paleogenetika məsələləri və Qafqazın biomüxtəlifliyini araşdıran tədqiqatların aparılmasına böyük ehtiyac duyulur.

REA-nın prezidentinin müavini, akademik Taliya Xabriyeva öz çıxışında Xəzər dialoqunun iqtisadiyyat, ekologiya, energetika və etnik miqrasiyalar sahələrində birqə tədqiqatların təşkilinə, həmçinin Xəzər məsələləri üzrə hüquqi bazanın təkmilləşdirilməsi məsələsinə müsbət təsir edəcəyini bildirib.

Sonra AMEA Fizika-Riyaziyyat və Texnika Elmləri Bölməsinin akademik-katibi, akademik Nazim Məmmədov nanoplazmonika sahəsində multidissiplinar tədqiqatların aparılması, AMEA İctimai Elmlər Bölməsinin akademik-katibi, akademik Nərgiz Axundova isə etnogenez, fəlsəfə, mədəniyyətlər və dinlərarası əlaqələrin öyrənilməsinin vacibliyini qeyd ediblər.

Sonda AMEA və REA arasında elmi-texniki əməkdaşlıq haqqında saziş imzalanıb. Sənəddə elm və texnologiyaların prioritet istiqamətləri üzrə birgə elmi və elmi-texniki layihələrin hazırlanması və həyata keçirilməsi, bilik, təcrübəvə informasiya mübadiləsi, yüksəkixtisaslı kadrların hazırlanması, birgə tədbirlərin keçirilməsi kimi məsələlər öz əksini tapır.

Sazişi AMEA-nın prezidenti, akademik Akif Əlizadə və REA-nın prezidenti, akademik Aleksandr Sergeyev imzalayıblar.

Görüşdə həmçinin REA-nın Xarici Əlaqələr İdarəsinin rəisi Olqa Qluxovtseva, REA prezidentinin Katibliyinin rəisi Valeriya Belyanina,Q.V.Plexanov adına RİU-nin Hüquqi Tədqiqatlar və Regional İnteqrasiya İnstitutunun direktoru, professor Rəşad Qurbanov, AMEA-nın vitse-prezidentləri, akademiklər İsa Həbibbəyli, Dilgəm Tağıyev, Rasim Əliquliyev, İradə Hüseynova, AMEA-nın akademik-katibi vəzifəsini icra edən, AMEA-nın müxbir üzvü Əminağa Sadıqov, elmi bölmələrin akademik-katibləri, AMEA Rəyasət Heyəti aparatının Beynəlxalq Əlaqələr İdarəsinin rəisi, biologiya üzrə fəlsəfə doktoru Esmira Əlirzayevavə digərlər əməkdaşlariştirak ediblər.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

                                              

Sosial şəbəkələrdə paylaş:
Bu mədəniyyət xadimlərinə fəxri adlar verildi - SİYAHI 16:02, 18 sentyabr 2019
İbn Sinanın ağır xəstəlikləri müalicə edən – MÖCÜZƏVİ RESEPTİ FOTO=115:37, 18 sentyabr 2019
Bal yarmarkasına müraciət edən arıçıların seçimi həyata keçirilib... FOTO=215:27, 18 sentyabr 2019
Qayda pozan yol polisinə ciddi xəbərdarlıq edildi.... VIDEO=115:22, 18 sentyabr 2019
"Onunla aramızda sevgi olmayıb" - Yaşar Nurinin həyat yoldaşından ŞOK AÇIQLAMA 14:42, 18 sentyabr 2019
Vəkil intihar edən Elinanın işi bağlı ŞOK DETALLARI AÇIQLADI: Ağlayıb, hallallıq istəyirdi FOTO=113:35, 18 sentyabr 2019
Problem SOS siqnalı çalınacaq qədər təhlükəlidir” Deputat13:13, 18 sentyabr 2019
Naxçıvan Qarnizonu tam orta məktəbində Bilik Günü qeyd edildi VİDEO+FOTO=212:22, 18 sentyabr 2019
Bakı Uşaq Teatrı “Sehirli Tütək” tamaşası ilə yeni mövsümə start verəcək (+FOTO) 02:19, 18 sentyabr 2019
Alman-Azərbaycan Xarici Ticarət Palatasının üzvləri ilə görüş keçirilib (+FOTOLAR) 02:12, 18 sentyabr 2019
XEYRİYYƏÇİ İŞ ADAMI Gülaga Qəmbərov ( GÜLAĞA TƏNHA )09:56, 17 sentyabr 2019
Bakının qurtuluşu gününə həsr olunmuş mərasimdə Türkiyədən gəlmiş qazilər yallı halayına qoşulublar (+FOTOLAR, +VIDEO) 01:40, 17 sentyabr 2019
Humanitar Elmlər Bölməsinin iclası keçirilib (+FOTOLAR) 01:09, 17 sentyabr 2019
AMEA Botanika İnstitutu Türkiyə Milli Botanika Bağı ilə əməkdaşlıq edəcək (+FOTOLAR) 01:04, 17 sentyabr 2019
Gömrük Akademiyasında Bilik Günü münasibətilə tədbir keçirilib (+FOTOLAR) 00:44, 17 sentyabr 2019
Bakıda Çərçivə Konvensiyasının VI Tərəflər Konfransına hazırlıq komitəsinin görüşü keçirilir 00:34, 17 sentyabr 2019
Bakı Dövlət Universitetində Bilik Günü keçirilib (+FOTOLAR) 00:19, 17 sentyabr 2019
Özbəkistanda keçirilən Birinci Beynəlxalq Xalq Tətbiqi İncəsənət Festivalının rəsmi açılış mərasimi olub (+FOTOLAR) 23:59, 16 sentyabr 2019
Gülağa Tənha : " Ağlama şəhid anası "10:18, 16 sentyabr 2019
Gülağa Tənhanın kitab təqdimatından... 10:36, 15 sentyabr 2019
 

Bütün hüquqlar qorunur © 2019

Haqqıımızda | Saytda reklam | Bizimlə əlaqə