Təqvim
Şərtlər banklar üçün daha sərfəsiz oldu
30 oktyabr 2018 - 15:07

Faiz dəhlizinin parametrlərinin aşağı düşməsi notların və depozit hərraclarında faizin aşağı düşməsilə nəticələnəcəkdir.

BI xəbər verir ki, qaydalara görə, depozit hərracının və notların faizi dərəcəsi - faiz dəhlizinin aşağı həddi ilə uçot faiz dərəcəsi arasında müəyyən edilir. Bu gün Mərkəzi Bankın İdarə Heyətinin qərarı ilə, uçot dərəcəsi 10%-dən 9,75%-ə, faiz dəhlizinin aşağı həddi isə 8%-dən 7,75%-ə endirildiyindən depozit və not hərraclarında faiz  8,01% – 9,99% aralığından 7,76% – 9,74% aralığına düşəcəyi gözlənilir. Bu isə depozit və not hərraclarının banklar üçün əvvəlki şərtlərlə müqayisədə sərfəsiz olacağı deməkdir.

Əlavə edək ki, son depozit not hərraclarında tələb təklifi üstələyir. Mərkəzi Bank depozit hərracları vasitəsilə 350 milyon manat cəlb edəcəyini açıqlasa da banklar 1 milyard manatdan yüksək tələblər ilə hərraclara qatılırlar. Məsələn, sonuncu dəfə, 29.10.2018-ci il tarixində Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 1 milyard 247 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 8,01% təşkil etmişdi. Qısası, hərraclarda 350 milyon manat alınacağı elan edilsə də banklar 1 milyard manatdan artıq vəsaiti satmağa hazır olduqlarını bildirirlər. Mərkəzi Bankın, tələbin yüksək olduğunu nəzərə alaraq daha aşağı faizlər müəyyən edə bilməsi üçün faiz dəhlizinin aşağı həddi aşağı salınmalıdır. 

Banklar izafi vəsaitlərini depozit hərraclarında və notlarda yerləşdirərək asan yolla gəlir götürürlər. Əgər faizlər daha da aşağı düşərsə banklar izafi vəsaitləri kreditləşdirməyə yönəltməyə məcbur olacaqlar.

Sosial şəbəkələrdə paylaş:
Müəllif:
Mənbə:
© marja
Kateqoriya:
ƏDƏBİYYAT

Bütün hüquqlar qorunur © 2024

Haqqıımızda | Saytda reklam | Bizimlə əlaqə