Tanrı özü eşidəcək duanı,

Mənə bəxtmi diləməyə gəlmisən?

Gözlərindən mərhəməti yaş kimi,

Gözlərimə ələməyə gəlmisən?

Səni hara aparacaq bu bahar,

Yoracaqmı yağan yağış, yağan qar?

Hər sevənin öz azarı, dərdi var...

Məni dərdə bələməyə gəlmisən?

Soraq yetir bu arana, o dağa,

Qoyma göydən ah ələnə, od yağa.

Kərəmdən də betər yanar Gülağa,

Bir ovuc kül eləməyə gəlmisən?

Moskva, may, 1998